Be@rbrick是潮人玩物，Hotel Icon唯港薈也趕上這股潮流風，在大堂餐廳GREEN推出了「La Maison du Chocolat 法國風情」下午茶，仲有兩只1000% 限定Be@rbrick任人打卡，作為朱古力同熊粉即刻走去book位。Hotel Icon最有名的是以馬來西亞榴槤主題的Tea Set，行政主廚榴槤王子Danny 預告8月份將會隆重推出，根據過往經驗，好快比人book 爆，想食就要趁早訂位啦。

今次 Tea Set 以法國經典菜式為主題，跟坊間下午茶好唔同，係有前菜同主菜再加埋下午茶，正當對這組合一頭霧水又怕食唔落之際，原來頭盤及主菜係比較細份，希望食客能夠嚐試到不同菜式之餘，亦能感到抵食化算，咁咪即係賣大包。最令人感動的是他們是可以轉換素食，當然提前預訂是最好，今次突然到訪，他們亦能即時彈性處理，服務真心抵讚。

正常版前菜有香草牛油焗法國蝸牛配炒蛋及魚子醬、法國鵝肝醬釀蟹肉配蒜蓉包、法式烔青口配普羅旺斯及法式忌廉龍蝦湯。

而今次的素食版就有酸咪咪的蕃茄濃湯、青草醬車厘茄水牛芝士、黑松露滑蛋及牛油果沙律，為炎熱的天氣降溫，夠哂清涼開胃。

主菜就安排了蒜香白菌意粉，意粉夠哂彈牙，白汁比較creamy，讓每一條意粉掛上濃厚的蒜香及酒香，加上即炒的鑊氣，味道也頓時變得豐厚。

接着來到我最期待的主角下午茶，一送上即時令人嘩嘩聲，三層的巴黎鐵塔下午茶架，佈上八款小巧的色茶點，Danny更即時帶來兩只限量版be@rbrick任我地打卡，如此配搭就是俘虜人心，讓人瘋狂拍照。

下午茶內更有兩款以 La Maison du Chocolat 朱古力做的甜點，分別係「開心果馬卡龍」及「香醇法國朱古力」，Macaron不太甜膩帶出陣陣花香及果仁香，中間是軟滑的朱古力醬；而「香醇法國朱古力」就是櫻桃酒心朱古力，咬下朱古力的脆皮外層，是讓人心醉的酒釀車厘子。

而我對蝴蝶酥是情有獨鍾，Tea Set內的是「自家製芝士蝴蝶酥」，入口是濃郁的芝士及牛油香，比起傳統蝴蝶酥多了份咸香酥脆，芝士控保證有驚喜。

海鹽與甜品是最佳的配搭，咸咸甜甜間讓味蕾起了化學反應，令甜味更為突出，瑪德蓮蛋糕口感鬆軟富有蛋香，配上海鹽，又是另一番味道。

仲有奶味香濃的Panne cotta、忌廉泡夫、芝士芒果蛋糕。鬆餅仲配上自家製清新的草莓荔枝玫瑰果醬，每一口都是令人滿足的感覺。

每一個下午茶均會送上一盒La Maison du Chocolat 朱古力，可以返屋企慢慢嘆，咁多嘢食，都只係$400/位，絕對性價比高。

La Maison du Chocolat 法國風情下午茶
地點︰唯港薈大堂餐廳GREEN

Welcome to Visit :
kitlindacat.com, She.com, UBlog, BlogSpot, Pixnet

Contact Me :
Fans Page :https://www.facebook.com/kitlindacat
Instagram: kitlindayau

Website : https://kitlindacat.com/
e-mail : kitty-yau@hotmail.com