食過返尋味 Verde MAR – 墨西哥牛油果傳統菜

話說多年前已經很喜歡呢間墨西哥餐廳 Verde MAR,因為佢大部份菜式都可以轉為素食,而佢地既仙人掌扒更是獨家招牌名菜,闊別多年,佢地又有新餐單,就係有小喵最愛既墨西哥牛油果,墨西哥出產的係牛油果家族中含油量最高的一種,比起澳洲出產的多一分creamy 軟滑感,加上果味香濃,令人一試愛上,已經成為座上客。

整間店都充滿著墨西哥的氣氛,會見到栩栩如生的樹瀨係天花上吊下來,原來係墨西哥傳統玩意 Pinata,係大廚Eligio 親手所製,看來大廚可以開班授徒。

餐廳的牆身亦掛上牛仔帽、蜥蜴等裝飾,都係從墨西哥而來,而牛皮製小手袋是可以買,喜歡的朋友記得帶回家。
店內的餐牌都設計成Postcard,多了一份玩味的心思。
牛油果漢堡 $138
Avocado burger trio 
牛油果漢堡係墨西哥家鄉菜,以牛油果取代漢堡的麵包皮,一層層的把蔬菜叠上,賣相真係十分討好,中間的大啡菇亦可轉為手打牛肉漢堡扒,岩哂肉食同素食既朋友。
牛油果漢堡內藏自家調製喼汁及千島醬,口感酸酸甜甜,特別開胃,而配菜仲有紅椒煎蛋同牛油果蓉蕃茄沙律杯,素食的朋友可以把雞蛋轉為粟米粒,真係vegan friendly。
賣相咁靚,真係唔捨得食。
牛油果他他 $148
Ceviche de Avocado
Ceviche 係南美的一種烹調手法,以青檸或檸檬去「酸熟」魚類等食材,呢道菜就以牛油果取代魚,入面配以切粒既蕃茄及青瓜,加上青檸的酸味,口感特別清新開胃,配上自家製粟米片,多了一分香脆的口感,適合作炎炎夏日的前菜。
牛油果烤餅
Avocado tostada $88
Tostada 就是墨西哥烤圓餅,Avocado tostada上枱時已經令人嘩然,因為真係好靚,有一種令人心花怒放的感覺。
把牛油果切成一片片,放在墨西哥粟米脆餅及牛油果蓉上,再砌成一朵花,絕對係心機之作,面上灑一點帶咸香的墨西哥牧場芝士及辣椒乾片,豐富了味覺的層次,不過乾坤在於牛油果蓉,加入了墨西哥出產的鮮青辣椒,不吃辣的朋友,真係會辣到飛起。
自家製牛油果雪糕 $88
Homemade Avocado Ice Cream 
牛油果雪糕的扮相唯妙唯肖,像真度十分高,係用牛油果加上忌廉而成,口感特別幼滑豐富,充滿奶香,而面上的「核」是芒果加辣椒鮮製的雪葩,多了一份香甜的味道,純素的話仲可以轉為杏仁奶。
牛油果雪糕的軟滑香甜感一直在口中徘徊不散,確實令人回味無窮,亦為今餐畫上完美的句號。
 
喜歡吃牛油果及異國菜的朋友,Verde MAR 絕對有所驚喜。
Verde MAR
地址:灣仔大王東街24號地下
 電話: 2810 0888

Verde MAR Facebook︰
https://www.facebook.com/verdemarhk/
 
Welcome to Visit : 
 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s