【深水埗 $148食靜岡蜜瓜下午茶同朱古力咖哩飯】

美女廚房第一集就介紹朱古力雪條咖哩飯,連阿Bob 大讚話好食, 位於深水埗區新開嘅茶屋町就將呢度經典朱古力咖哩飯演變出來。
咖哩膽係用日本明治咖哩磚同朱古力調配而成,聽落好奇怪?? 非也。 朱古力原來加上咖哩,係會產生奇妙的化學變化,仲奇妙過帶你去奇妙旅程。
係日本文化嚟講,咖哩加入朱古力是烹調日式咖喱的祕技,朱古力係會提升咖哩的整體香氣,令咖哩的質感更為香甜幼滑及帶一點稠身,食落仲一點都唔怪。
茶屋咖哩便當,有【吉列大蝦】、【吉列牛肉漢堡】同埋岩哂素食朋友嘅【炸南瓜薯餅】比你揀,而配菜仲有玉子、日本甜薯同昆布,所有材料都係由日本而來,連米都係用北海道珍珠米,認真態度一絲不苟,咁嘅質素,都只係賣緊$68,抵食過好多地方啦。
 每個便當都會跟上一碗面鼓湯,面鼓湯亦特別用上日本白味噌,再加入了白蘿蔔粒同豆腐卜,白蘿蔔配上白味噌,味道特別清甜柔滑,飲完唔會口渴。
便當抵食都未算,因為仲有日本靜岡蜜瓜做嘅限定Tea Set,呢個先至教人喝彩,Tea Set每日下午15:00 就會開始供應,賣完就冇。
 蜜瓜係由靜岡直送,甜度8度,香甜得來爆 Juicy, 而牛奶雪糕更是用上乳脂含量4.3的北海道牛乳,比起3.6奶味更為香濃,入口更幼軟細滑, 而抹茶雪糕就用上靜岡獲獎無數嘅小柳津清一抹茶粉,帶有回甘同茶香, 入口軟綿綿,絕不會出現霜粒,好食到停唔到口。 
 Tea Set 內除了靜岡蜜瓜配雪糕,仲包括【抹茶蕨餅】、【白玉丸子紅豆】、【抹茶大福】、【抹茶泡芙】、【日本甜薯】,仲有怕你唔飽嘅【朱古力咖哩飯】。 成個Tea Set 咁多野同咁高質都只係$148,皆因店主想用良心價錢做最高質素食品比大家,繼然老闆咁有心,唔食真係對唔住自己。
而門外嘅外賣位仲有甜品外賣,當然唔少得茶屋町飯糰。
仲有口感勁滑溜嘅抹茶同牛奶布甸 $22/個。
餐廳仲設計成電車造型,令人置身於日本電車內。
電車窗框仲有迷你電車模型擺設呢。
 茶屋町
地址 : 深水埗長沙灣道217號
電話 : 26607722
下午茶Set供應由15:00起,每日限定18份 
 
 
Welcome to Visit : 

 

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s