抵食香印Tea Set – 「日本岡山香印提子下午茶套餐」

女生閒來無事,就是喜歡約埋一班老友食下Tea傾下計8卦一下花邊新聞,這就是女生日常,而食Tea 嘅指定動作就係搵間靚餐廳,跟閨密暢所欲言,輕輕鬆鬆過一個下午,位於炮台山Harbour Grand 酒店 Le188∘餐廳我就極力極力極力推薦比大家,因為佢係位於酒店41樓的頂層,有著無敵靚海景,單係環境已拍得住Café 103同OZone。
今次Le188∘推出左全新下午茶Tea Set – 「日本岡山香印提子下午茶套餐」,香印做既Tea Set wor,出面果欄單係一串已經賣緊成$200,仲要係酒店級數嘅Tea set兼且有65折優惠,唔理咁多啦,闖出去食左先算啦。

香印做嘅Tea Set賣相已經靚到一個點,而且仲要係用日本岡山出產的香印提子岡山香印提子出名又圓又大粒,加上外皮香脆,花香味濃郁,就好似食緊青提橡皮糖的味道,口感令人一試難忘,亦被稱為「晴王」,所以質素絕對有保證,包你食過一定返唔到轉頭。

  Tea Set 嘅第一層有【Scone】、【香印提子Panna Cotta】及【雞肉牛肝菌迷你酥盒】,提子的香甜配上Panna Cotta的奶香,很清新的味道,多吃也不膩。
英式的【Plain Scone】是我的最愛,外層酥脆,咬落鬆軟而不乾硬,而且富有香濃的牛油香,配上忌廉及果醬,完全俘虜了我的心,繼天后的黑麥Pumpernickel,Le188∘的Scone合得上我的口味。
第二層是鹹點︰
【龍蝦及酸忌廉意式三文治】,內餡以大大粒龍蝦肉及酸忌廉而成,龍蝦肉的爽甜配上酸忌廉,細細件十分開胃。 
【燒牛肉露筍卷】,燒牛肉口感嫩滑配搭爽口清甜的露筍,口感十分清新。 
【照燒三文魚配芒果莎莎醬】,三文魚配上芒果莎莎醬,酸酸甜甜的芒果莎莎加上嫩滑無比的三文魚,令人食慾大增。
  最低層的是甜點,亦是今次Tea Set的焦點所在,一共有2款,分別在於 Le188∘餐廳及大堂酒廊所供應的略有不同,但計我話,識食既一定係Le188∘,因為坐擁無敵靚維景麻。 Le188∘餐廳的甜點包括有︰ 
近日大熱的法式甜品【Canelé可麗露甜點】,外層帶有焦糖香氣,而內層就帶著酒香,外脆內軟,齒頰留香。 
【香印提子朱古力脆脆】,以原粒多汁的香印提子,蘸上朱古力脆脆後,在口內爆發出香甜的提子汁,加上提子爽脆的外皮及朱古力脆脆,互相輝映,頓時豐富了口感。
【杏仁雲呢拿果撻】則用上份量十足的香印提子,多汁香甜的果肉配上以杏仁做的果撻,雲呢拿的香氣加上提子的香甜,慢慢滲在口腔內。 
【日式香印提子芝士蛋糕】,芝士蛋糕口感夠哂軟滑,帶有淡淡的香印提子味。
大堂酒廊的甜點包括有︰
 【日本香印提子瑞士卷】瑞士卷質感軟綿綿,加上香印提子做成的鮮忌廉,內裡還有著一粒粒的果肉,每一口也感到十分幸福。 
【日本香印提子杯型蛋糕】,Cupcake 的質感十分鬆軟,加上香印提子造成的Butter Cream,口感軟滑而且帶有陣陣清香。 
【日本香印提子慕絲 】Dome 中間夾著一層幼滑的提子慕絲,底下是海綿蛋糕 。
仲有 【杏仁雲呢拿果撻】
面對咁靚嘅Tea Set,我都係唔客氣啦。
 想係屋企慢慢嘆,仲有香印提子慕斯蛋糕,岩哂買返去同屋企人一齊食。
餐廳﹕Le188∘餐廳及酒廊
地址﹕北角油街23號港島海逸君綽酒店41樓(港鐵炮台山站A出口)
電話﹕2121 2693
折扣﹕透過網上商店預購,可享65折 ($298.5/2位,連加一)
優惠日期﹕6月8日至6月30日
供應日期﹕6月8日至7月31日
 
Welcome to Visit : 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s