近日深圳最具人氣素食自助餐莫過於【一家素·料理級蔬食】，環境素雅，舒適闊落，設有廂房，主打百多款多國素食，有榴槤pizza、點心、酵素、壽司刺身、涼拌小炒、湯品麵飯，甚至純素蛋糕甜品，應有儘有，真係睇到心大心細眼都花埋，每樣食少少都係試唔晒，開業不久，已吸引不少人惠顧。

夏日正值食菌旺季，自助餐亦提供大量菇菌類菜式，包括🍄蘆筍牛肝菌、干鍋豬肚菌、辣炒鹿茸菇等等。

_{🫛前菜🥑}

_{🫛刺身壽司🥑}

_{🫛隱藏菜式🥑}

_{🫛必食有🥑}

🍱烤鰻魚🍱

Home made 嘅烤鰻魚，據店員講係每日新鮮製作，素鰻魚煎至微微的燶邊，內裡是軟糯的香菇，配上甜甜的蒲燒汁，帶有一點焦香，口感能夠以假亂真，非一般素肉行貨能夠媲美，係必食之選。

🍄‍🟫松茸茶🍄‍🟫

松茸茶亦係人氣養生湯品，小小的一壺是用野生松茸慢炖出來，熱辣辣，味道夠晒香濃鮮甜，仲可以無限地Encore，令人不自覺一壺接一壺。

🫕松茸原味鍋🫕

當然唔少得火鍋，有多款新鮮菇菌，金耳、姬松茸、繡球菌、銀耳等等，仲有超抌本嘅台灣翡翠丸子、素魚豆腐，配埋松茸湯底，唔使點醬汁，都已經鮮甜無比。

🍰純素甜品🍰

純素蛋糕甜品簡直係素食者嘅夢幻天堂，忌廉係用椰漿及豆乳製成，口感輕盈，加上海綿「蛋」糕嘅質感，可以再次重拾食蛋糕嘅樂趣，滿足一下口腹之慾。

即磨咖啡都係用上燕麥奶，咖啡味都頗出眾，誠意滿分，美團$139/位，完全係不計成本地任飲任食。

值得一提嘅係店員嘅服務態度亦非常友善，樂意主動去幫忙，解答菜式上嘅問題，而且補菜速度極快，真係體會到以客為本嘅體驗。一家素亦有會員服務，$199入會就送一組檀香禮物，同行朋友仲可以用會員價$99無限次享用自助餐，真係食多兩三次都已經回哂本。

一家素·料理級蔬食
地址︰深圳福田區金中環國際商務大廈裙樓觀光梯2樓（地鐵會展中心站E出口）
營業時間︰星期一至星期日︰11:00-13:30 | 17:30-20:30
門市價格︰$159/位

Contact Me :
Fans Page :https://www.facebook.com/kitlindacat
Instagram: kitlindayau
Website : https://kitlindacat.com/
e-mail : kitty-yau@hotmail.com