【可愛度爆分】名創優品 x Kakao Friends 必搶產品

國內名創優品Miniso最近同多個品牌合作,推出一系列正版產品,特別係上星期在國內最新開售的Miniso x Kakao Friends限定系列,由居家用品到旅行、化妝品樣樣有,款式仲要勁多勁靚同實用,而且價錢絕對會令人失心瘋,會令人不經不覺變成購物狂,已教我心思思即時想衝去買,不過去到的時候Ryan大部份產品很早已經賣清光,想要的話就要多行幾間分店碰碰運氣
Kakao Friends 地氈 ¥25
灰色MUZI地氈軟綿綿超軟熟,底部是加了防滑墊,我家貓主子毫不客氣已經搶先霸佔。
 Kakao Friends 特別版餐具 ¥15
不鏽鋼餐具見到已經即時搶,是430食用級的不鏽鋼,連埋鐵盒用來返工帶飯好方便,仲有兒童版的膠餐具呢。
Kakao Friends 睫毛夾 / 氣墊粉樸 (¥ 15 / ¥10)
Muji同款的便攜式睫毛夾,不過就要夾3-4次才能夾出彎曲的睫毛,相反Muji 款的一夾便是太陽花的效果,個人覺得除非是 Kakao 粉,否則我會覺得Muji比較實用,當然都係個句一分錢一分貨啦
而水滴型的氣墊粉樸10元就有2個,加上Apeach桃子的造型,實在太爆笑了,而且對日日用氣墊粉餅的朋友來說,氣墊粉樸消耗是特別快,買定2個看門口就無壞,不過就有點啜面及難推。
Kakao Friends 蒸氣眼罩 ¥15
名創優品的眼罩我係極度推薦同回購率極高有薰衣草同無味2款眼罩是42°C的溫度,對有些人來說是很高的溫度,但對我來說就是啱啱好,加上可以keep到半小時臨訓前用上,舒服到可以即時入夢,比起花王真係堅抵用。
而眼罩亦同樣有內涵,是Ryan 的眼,質感是棉質,敷起來會感到有少少濕度,不會令眼部皮膚太乾,仲有少少保濕的作用

Kakao Friends 化妝包 ¥19.9

 化妝包屋企真係有好多,但見到咁可愛嘅MUZI又點會唔買呢,化妝包都幾輕身,放下唇膏、Cushion出街補補妝,整整齊齊夠企理。
 Kakao Friends 人字拖鞋¥25
屋企有貓主子的關係,拖鞋總會間唔中唔見緊1、2只,唔知主子大人將d 拖鞋收埋去邊呢,所以點都要買返1、2對後備看門口,女裝人字拖係勁得意,除了鞋面上印有Kakao Friends公仔頭案,人字拖上仲有膠公仔樣,不過都幾大陣膠膠地嘅味,希望主子今次高抬貓爪,唔好玩唔見。
實物真係勁靚。
Kakao Friends 眼罩 ¥15
唔好意思又係眼罩,不過呢個眼罩係可以熱敷同冷敷,仲可以當作退熱貼,夏天雪凍佢敷都幾舒服,而且仲可以調較頭圍的大小,男女小朋友都啱用。
 Kakao Friends 冰墊¥19.9
又係比貓主子成功打劫,冰墊唔洗雪凍都涼浸浸,夏天佢唔洗再訓上雲石枱阻住我做野啦。
 Kakao Friends 洗衫桶 ¥19.9
無可否認我都係一名女生,D衫間唔中會放到成張櫈都係,已經成日比牛叔叔投訴,總係想搵返個洗衫桶,但就係睇唔啱,結果係Miniso x Kakao Friends成功令我買下我人生第一個洗衫桶,洗衫桶可以摺疊收藏,夠慳位,而且質料都幾堅廷耐用,以後d 衫就會乖乖走入去。
呢到11件產品加埋都係¥204.7,係韓國買2件都唔止呢個價啦,不過最緊要主子用得舒服同滿意麻

 

Welcome to Visit : 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s