尖沙咀甜品店 以假亂真粟一燒芝士蛋糕

尖沙咀就最多野食,今次帶大家黎寶勒巷,唔係飲酒,而係搵【粟一燒】,呢條粟一燒就勁啦,佢唔係非一般既燒粟米,而係用芝士做成既粟米型蛋糕,不論外型、味道都充滿驚喜架,除左招牌粟米蛋糕外,呢到既甜品款款都充滿特式,儘見製作人的心思,令人一試難忘。

【芝士栗一燒】 $58
呢條粟一燒芝士蛋糕就係呢到既招牌,賣相真係同真‧燒粟米無分別架,係咪好盞鬼呢,真係分分鐘會睇漏眼~~
切開比大家睇睇,「粟米芯」係蜂蜜蛋糕,「粟米粒」係用粟米加芝士做成既粟米Mousse,粟米慕絲食落仲有淡淡粟米味,而蜂蜜蛋糕就夠哂鬆軟,加埋面上的燒芝士,帶出一點咸香的味道,味道喜出望外,唔試過真係會被騙~~~
【意式黑松露咖啡奶凍】 $54
黑松露做既甜品出面好少有,而呢道就將咖啡同黑松露加入Panna Cotta內,加上賣相精緻,成個小花園咁,絕對相機食先。
 Panna Cotta 震騰騰,入口軟滑,仲有好濃嘅咖啡味同奶香,細嚐之下淡淡嘅黑松露從奶凍內滲出,配上紅莓乾,酸酸甜甜,味道充滿層次。
【香蕉太妃】 $55
入面係香蕉蓉、自家製焦糖漿同埋加左冧酒既蛋糕,香蕉蓉加上浸左酒既蛋糕,入口軟綿幼滑,而中間仲有爆谷及果仁碎,增加嚼頭口感,令味道更豐富,是蕉迷最愛。
 
【鮮果芒芒】$76
 用上Movenpick 的芒果雪葩,味道夠哂酸,係酸到開眼果種,而底下是雲呢拿雪糕加上忌廉,充滿雲呢拿香及幼滑口感,加上啖啖爆汁嘅香甜芒果肉,令人即時醒神。
【宇治抹茶麻糬窩夫伴雲呢拿雪糕】$70
窩夫唔係小喵既至愛,但係麻糬都充滿煙韌既口感,加上淡淡既抹茶味,係飽肚既另一選擇。
仲有好多款式既甜品未試齊,下次再約腳啦。

 

 

菓甜品 
地址: 尖沙咀寶勒巷3號萬事昌廣場G地下2舖 
電話: 3590 2088

Welcome to Visit : 
 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s